മലപ്പുറം: സി.പി.എം ആഭിമുഖ്യത്തിലുള്ള കുട്ടികളുടെ സംഘടനയായ ബാലസംഘത്തിന്റെ നാലാമതു സംസ്ഥാന സമ്മേളനം ഡിസംബര്‍ 29, 30, 31 തീയതികളില്‍ പെരിന്തല്‍മണ്ണയില്‍ നടക്കും. സമ്മേളനത്തിന്റെ സ്വാഗതസംഘം രൂപീകരണം ഇന്നലെ പെരിന്തല്‍മണ്ണ ടൗണ്‍ഹാളില്‍ നടന്നു. എം വി ഗോവിന്ദന്‍, എ വിജയരാഘവന്‍, പി.പി വാസുദേവന്‍ തുടങ്ങിയവര്‍ പങ്കെടുത്തു.
കുട്ടികളില്‍ പുരോഗമന ചിന്തയും ശാസ്ത്രാഭിരുചിയും ചരിത്ര ബോധവും അവകാശബോധവുമുയര്‍ത്താനുള്ള സമാന്തര വിദ്യാഭ്യാസ പ്രവര്‍ത്തനങ്ങള്‍ക്കു പുതിയ കാലത്തിനനുസരിച്ചുള്ള മാറ്റങ്ങള്‍ക്ക് സമ്മേളനം രൂപംനല്‍കുമെന്നു സംസ്ഥാന സെക്രട്ടറി എം.രണ്‍ദീഷ് പറഞ്ഞു. 1938 ഡിസംബര്‍ 28ന് കല്യാശേരിയില്‍ രൂപംകൊണ്ട ദേശീയ ബാലസംഘം 1972ല്‍ ദേശാഭിമാനി ബാലസംഘമായും 1982ല്‍ രക്ഷാധികാരികളും കുട്ടികളുമടങ്ങുന്ന ബാലസംഘമെന്നും പേരുമാറി.