തിരുവനന്തപുരം: കേരള സ്റ്റേറ്റ് സെന്റര്‍ ഫോര്‍ അഡ്വാന്‍സ്ഡ് പ്രിന്റിങ് ആന്‍ഡ് ട്രെയിനിങിന്റെ തിരുവനന്തപുരത്തുള്ള ട്രെയിനിങ് ഡിവിഷനില്‍ ആരംഭിക്കുന്ന ഡിജിറ്റല്‍ വീഡിയോഗ്രാഫി ആന്‍ഡ് നോണ്‍ ലീനിയര്‍ വീഡിയോ എഡിറ്റിങ്, കംപ്യൂട്ടര്‍ ഹാര്‍ഡ്‌വെയര്‍ ആന്‍ഡ് നെറ്റ് വര്‍ക്കിങ്, ഡോട്ട് നെറ്റ് ടെക്‌നോളജി, ഡിപ്ലോമ ഇന്‍ കംപ്യൂട്ടറൈസ്ഡ് ഫിനാന്‍ഷ്യല്‍ മാനേജ്‌മെന്റ് (ടാലി ഇ.ആര്‍.പി9 അക്കൗണ്ടിങ് സോഫ്റ്റ്‌വെയര്‍), 2ഡി3ഡി ആനിമേഷന്‍, മൊബൈല്‍ഫോണ്‍ സര്‍വിസിങ്, അഡ്വാന്‍സ്ഡ് മള്‍ട്ടിമീഡിയ എന്നീ സര്‍ക്കാര്‍ അംഗീകൃത തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. പട്ടികജാതി, പട്ടികവര്‍ഗ, മറ്റര്‍ഹ വിദ്യാര്‍ഥികള്‍ക്കു നിയമാനുസൃത ഫീസ് സൗജന്യമായിരിക്കും. സ്‌റ്റൈപ്പന്റും ലഭിക്കും. ഒ.ബി.സിഎസ്.ഇ.ബി.സി വിദ്യാര്‍ഥികള്‍ക്കു വരുമാന പരിധിക്കു വിധേയമാണ് ഫീസ് സൗജന്യം. അപേക്ഷ, വിശദമായ ബയോഡേറ്റ, സാക്ഷ്യപ്പെടുത്തിയ സര്‍ട്ടിഫിക്കറ്റുകളുടെ (വിദ്യാഭ്യാസ യോഗ്യത, ജാതി, വരുമാനം) പകര്‍പ്പുകള്‍ സഹിതം മാനേജിങ് ഡയരക്ടര്‍, കേരള സ്റ്റേറ്റ് സെന്റര്‍ ഫോര്‍ അഡ്വാന്‍സ്ഡ് പ്രിന്റിങ് ആന്‍ഡ് ട്രെയിനിങ്, സിറ്റി സെന്റര്‍, പുന്നപുരം, പടിഞ്ഞാറേക്കോട്ട, തിരുവനന്തപുരം - 695 024 എന്ന വിലാസത്തില്‍ 25ന് മുമ്പ് സമര്‍പ്പിക്കണം. വിശദവിവരങ്ങള്‍ക്ക് ഫോണ്‍ : 0471 - 24747230, 2467728.