കണ്ണൂര്‍:  വ്യാപാരി വ്യവസായി ഏകോപനസമിതി ജില്ലാകമ്മിറ്റിയുടെ നേതൃത്വത്തില്‍ നാളെ രാവിലെ പത്തുമുതല്‍ കണ്ണൂര്‍ സ്റ്റേഡിയം കോര്‍ണറില്‍ ഉപവാസം നടത്തും. രാഷ്ട്രീയ അതിക്രമങ്ങളാലും കൊലപാതകങ്ങളാലും നേരിടേണ്ടി വരുന്ന ഹര്‍ത്താലുകള്‍ വ്യാപാര വ്യവസായ മേഖലയെ ദുരിതത്തിലാക്കുന്നുവെന്നു ചൂണ്ടിക്കാട്ടിയാണ് ഉപവാസം. സംസ്ഥാന പ്രസിഡന്റ് ടി നസിറുദ്ദീന്‍ ഉപവാസവും കണ്ണൂര്‍ സര്‍വകലാശാലാ വൈസ് ചാന്‍സലര്‍ ഡോ. ഖാദര്‍ മാങ്ങാട് സമാപന സമ്മേളനവും ഉദ്ഘാടനം ചെയ്യും. വാര്‍ത്താസമ്മേളനത്തില്‍ ദേവസ്യ മേച്ചേരി, പി ബാഷിദ്, സി.സി വര്‍ഗീസ്, എ സുധാകരന്‍, കെ.എസ് റിയാസ് സംബന്ധിച്ചു.