ശ്രീകണ്ഠപുരം: ജോലിക്കിടെ ദുരന്തം വേട്ടയാടിയ രാധാമണിക്കായി സുമനസുകളുടെ സഹായം തേടി നാട്ടുകാര്‍. ആറുവര്‍ഷം മുമ്പ് വീട് നിര്‍മാണ ജോലിക്കിടെ സംഭവിച്ച ദുരന്തമാണു ചെങ്ങളായി മണക്കാട് ഹരിജന്‍ കോളനിയിലെ ചാലേന്‍ രാധാമണിയെ തളര്‍ത്തിയത്. അരയ്ക്കുതാഴെ തളര്‍ന്നുപോയ ഈ വീട്ടമ്മ കിടപ്പിലായതോടെ ഒരു കുടുംബമാകെ നരകയാതനയിലാണ്.
ഏതുനിമിഷവും നിലംപതിക്കാറായ കൂരയിലാണ് ഈ കുടുംബം കഴിയുന്നത്. കിടപ്പില്‍ നിന്നെഴുന്നേറ്റ് നടക്കാനും സ്വന്തം കാര്യങ്ങള്‍ ചെയ്യാനും കഴിഞ്ഞെങ്കിലെന്ന പ്രാര്‍ഥനയുമായി കണ്ണീരോടെ കഴിയുകയാണു രാധാമണി. വിധവയായ രാധാമണിക്കു വിവാഹ പ്രായമെത്തിയ രണ്ടു പെണ്‍മക്കളാണുള്ളത്.
ഇവര്‍ക്കു വീടൊരുക്കാന്‍ നാട്ടുകാര്‍ സഹായ കമ്മിറ്റി രൂപീകരിച്ചിട്ടുണ്ട്. സഹായങ്ങള്‍ ഫെഡറല്‍ ബാങ്ക് ശ്രീകണ്ഠപുരം ശാഖയിലെ 11270100335781 എന്ന അക്കൗണ്ടില്‍ എത്തിക്കണം.