തളിപ്പറമ്പ്: കേരള കര്‍ഷക സംഘം ജില്ലാ സമ്മേളനത്തിന്റെ ഭാഗമായി ഇന്നലെ തളിപ്പറമ്പ് ടൗണ്‍ സ്‌ക്വയറില്‍ കെ.പി രാഘവപൊതുവാള്‍ അനുസ്മരണവും സാമൂഹ്യമാറ്റത്തില്‍ കര്‍ഷക പ്രസ്ഥാനത്തിന്റെ പങ്ക് എന്ന വിഷയത്തില്‍ സംഘടിപ്പിച്ച സെമിനാറും കര്‍ഷക സംഘം സംസ്ഥാന സംസ്ഥാന സെക്രട്ടറി കെ.വി രാമകൃഷ്ണന്‍ ഉദ്ഘാടനം ചെയ്തു. കെ കരുണാകരന്‍ അധ്യക്ഷനായി. കെ.എം.ജോസഫ് വിഷയാവതരണം നടത്തി. പുല്ലായിക്കൊടി ചന്ദ്രന്‍ സ്വാഗതം പറഞ്ഞു. അഡ്വ.പി രാജേന്ദ്രന്‍, പി മുകുന്ദന്‍, കെ കുഞ്ഞപ്പ, വത്സന്‍ പനോളി, പി.പി ദാമോദരന്‍, എന്‍ ചന്ദ്രന്‍, അഡ്വ.പി സന്തോഷ് കുമാര്‍, ഒ.വി നാരായണന്‍, സി.കെ നാരായണന്‍ എന്നിവര്‍ സംസാരിച്ചു.
തുടര്‍ന്നു ജനാധിപത്യ മഹിളാ അസോസിയേഷന്‍ ജില്ലാ കമ്മിറ്റി അവതരിപ്പിച്ച സംഗീത ശില്‍പം അരങ്ങേറി.  ഇന്നും നാളെയുമായി ഇ.പി തമ്പാന്‍ നഗറില്‍(ഡ്രീംപാലസ് ഓഡിറ്റോറിയം) പ്രതിനിധി സമ്മേളനം നടക്കും.