കണ്ണൂര്‍: മുന്‍കാലങ്ങളില്‍ നിന്നു വ്യത്യസ്തമായി മണ്ണിനെ ചെറുകിട ധാതുക്കളുടെ പട്ടികയില്‍പ്പെടുത്തിയ തീരുമാനത്തോടെ ലോഡുമായി വാഹനങ്ങള്‍ നിരത്തിലിറക്കാന്‍ പറ്റാത്ത സ്ഥിതിയിലായെന്ന് ഓള്‍കേരള എര്‍ത്ത് മൂവേഴ്‌സ് അസോസിയേഷന്‍ സംസ്ഥാന വൈസ് പ്രസിഡന്റ് കാടാച്ചിറ ബാബു. എര്‍ത്ത് മൂവേഴ്‌സ് അസോസിയേഷന്‍ ജില്ലാ കണ്‍വന്‍ഷനില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ചെറുകിട ധാതുക്കളുടെ പട്ടികയില്‍ ഉള്‍പ്പെടുത്തിയതിനാല്‍ കിണര്‍ കുഴിച്ച മണ്ണ് മാറ്റുന്നതിനു പോലും ജിയോളജിയുടെ അനുമതി വേണമെന്ന സ്ഥിതിയായെന്നും അദ്ദേഹം പറഞ്ഞു. സംസ്ഥാന  പ്രസിഡന്റ് എം.കെ പ്രഭാകരന്‍ ഉദ്ഘാടനം ചെയ്തു. കെ.കെ മമ്മു, കെ.എ സുരേഷ് ബാബ, തറമ്മല്‍ മനോഹരന്‍, പാലോളി രമേശന്‍, എ നിഷല്‍, പി സലീം, നിധീഷ് മോഹനന്‍, കെ ബാബുരാജ്, ഡി.വി ആഷിഖ്, വി.കെ സഞ്ജയ്, എം.കെ നിഷാന്ത് സംസാരിച്ചു.