കോഴിക്കോട്: ജില്ലാ അത്‌ലറ്റിക് അസോസിയേഷന്റെ ആഭിമുഖ്യത്തില്‍ നടന്ന കോസ്‌മോസ് ട്രോഫി ജില്ലാ ജൂനിയര്‍ അത്‌ലറ്റിക് ചാംപ്യന്‍ഷിപ്പില്‍ 154 പോയിന്റ് നേടിയ പുല്ലൂരാംപാറ മലബാര്‍ സ്‌പോര്‍ട്‌സ് അക്കാദമിക്ക് ഓവറോള്‍ കീരിടം. 72 പോയിന്റ് നേടി സായി കോഴിക്കോട് രണ്ടാം സ്ഥാനവും 48 പോയിന്റോടെ ചക്കിട്ടപ്പാറ ഗ്രാമീണ്‍ സ്‌പോര്‍ട്‌സ് അക്കാദമി മൂന്നാം സ്ഥാനവും നേടി.
വിജയികള്‍ക്ക് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ട്രോഫി വിതരണം ചെയ്തു. അത്‌ലറ്റിക്‌സ് അസോസിയേഷന്‍ വൈസ് പ്രസിഡന്റ് വി.എം മോഹനന്‍ അധ്യക്ഷനായി. കോസ്‌മോസ് മാനേജിങ് ഡയറക്ടര്‍ ടി.സി അഹമ്മദ് മുഖ്യാതിഥിയായിരുന്നു. തിരുവമ്പാടി പഞ്ചായത്ത് പ്രസിഡന്റ് പി.ടി അഗസ്റ്റ്യന്‍, ടോമി ചെറിയാന്‍, മുരളി, അബ്ദുല്‍ അസീസ്, മുഹമ്മദ് ഹസന്‍ സംസാരിച്ചു. ജില്ലാ അത്‌ലറ്റിക് അസോസിയേഷന്‍ പ്രസിഡന്റ് ടി.എം അബ്ദുറഹ്മാന്‍ സ്വാഗതവും സെക്രട്ടറി വി.കെ തങ്കച്ചന്‍ നന്ദിയും പറഞ്ഞു.