കായംകുളം: തമിഴ്‌നാട്ടില്‍ വാഹനാപകടത്തില്‍ രണ്ടു മലയാളികള്‍  മരിച്ചു. കായംകുളം കൊറ്റുകുളങ്ങര ഇടശ്ശേരി ചെങ്കിലാത്ത് തെക്കതില്‍ (കൊട്ടിലില്‍)  അഹമ്മദിന്റെ മകന്‍ നൗഷാദ് അഹമ്മദ് (40), ബന്ധുവായ എറണാകുളം സ്വദേശി അനു (37) എന്നിവരാണ് മരിച്ചത്.
കഴിഞ്ഞദിവസം  പുലര്‍ച്ചെ തിരുനെല്‍വേലിയില്‍ വച്ചായിരുന്നു അപകടം. പഴം,പച്ചക്കറി വ്യാപാരിയായ നൗഷാദും സഹായിയായ അനുവും ചരക്കെടുക്കാനായി തമിഴ്‌നാട്ടില്‍ പോയി മടങ്ങിവരവേ തിരുനെല്‍വേലിക്ക് സമീപംവച്ച് ഇവര്‍ സഞ്ചരിച്ച കാര്‍ നിയന്ത്രണംവിട്ട് ഡിവൈഡറില്‍ ഇടിച്ച് മറിയുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നൗഷാദിന്റെ മാതാവ് അലീമ. ഭാര്യ: ഹസീന. മക്കള്‍:  അന്‍സ,ഹന്ന.