തൊടുപുഴ:  ജില്ലയിലെ കാര്‍ഷിക പ്രശ്‌നങ്ങള്‍ പരിഹരിക്കണമെന്നാവശ്യപ്പെട്ടുകൊണ്ട് കേരള കോണ്‍ഗ്രസ്(എം) നേതൃത്വത്തില്‍  29ന്  കര്‍ഷക സംഗമം ചെറുതോണിയില്‍ നടത്തും.     
പാര്‍ട്ടി ജില്ലാ പ്രസിഡന്റ് എം. ജെ. ജെക്കബ് അധ്യക്ഷത വഹിക്കുന്ന കണ്‍വന്‍ഷന്‍ പാര്‍ട്ടി ചെയര്‍മാന്‍ കെ. എം മാണി ഉദ്ഘാടനം ചെയ്യും, പാര്‍ട്ടി വര്‍ക്കിംഗ് ചെയര്‍മാന്‍ പി. ജെ ജോസഫ് മുഖ്യപ്രഭാഷണം നടത്തും, ആശംസകളര്‍പ്പിച്ചുകൊണ്ട് സി. എഫ് തോമസ് എം ല്‍ എ, ജോസ് കെ. മാണി. എം പി. , ജോയി എബ്രഹം എം. പി., റോഷി അഗസ്റ്റിന്‍ എം. എല്‍ എ., അഡ്വ. അലക്‌സ് കോഴിമല, പ്രഫ. കെ. ഐ ആന്റണി, പ്രൊഫ. ഷീല സ്റ്റീഫന്‍ തുടങ്ങിയവര്‍ പ്രസംഗിക്കും. സമ്മേളനത്തിന്റെ വിജയത്തിനായി 101 അംഗ സ്വാഗത സംഘം രൂപീകരിച്ച് പ്രവര്‍ത്തനങ്ങള്‍ ആരംഭിച്ചു, ചെറുതോണിയില്‍ ചേര്‍ന്ന നേതൃയോഗത്തില്‍ പാര്‍ട്ടി ജില്ലാ പ്രസിഡന്റ് എം .ജെ ജേക്കബ് അധ്യക്ഷത വഹിച്ചു. രാരിച്ചന്‍ നീറണാക്കുന്നേല്‍, ജോസ് പാലത്തിനാല്‍, തോമസ് പെരൂമന, എ. ഒ. അഗസ്റ്റിന്‍, ജോസി ജേക്കബ്, സാബു പരപരാഗത്ത്, ജോസഫ് വടക്കേല്‍, ജിമ്മി മറ്റത്തിപ്പാറ, എം. ജെ കുര്യന്‍, സിനു വാലുമ്മേല്‍, രാജു തോമസ്, കെ. എം മുരളി, ജോയി കൊച്ചുകരോട്ട്, മനോജ്, എം തോമസ്, ജോര്‍ജ്ജ് അമ്പഴം, മനോഹര്‍ നടുവിലേടത്ത്, കെ. എ പരീത്, മാത്യു മത്തായി, റ്റി ജെ ജേക്കബ്, റ്റി. പി. മല്‍ക്ക, കുഞ്ഞുമോന്‍ വാളഞ്ചി, ചെറിയാന്‍ പി. ജോസഫ്, സെലിന്‍ മാത്യു തുടങ്ങിയവര്‍ സംസാരിച്ചു.