അടിമാലി: ശ്രീനാരായണ കള്‍ച്ചറല്‍ ഫോറം ചാരിറ്റബിള്‍ സൊസൈറ്റിയുടെ കീഴിലുള്ള അടിമാലി എസ്.എന്‍ ക്ലബ്ബിന്റെ നേതൃത്വത്തില്‍ നടന്ന സൗജന്യ നേത്രപരിശോധന, തിമിര ശസ്ത്രക്രിയ ക്യാംപിന് വലിയ ജനപിന്തുണ.  570 രോഗികള്‍ ക്യാംപില്‍ പങ്കെടുത്തു.
ഇതില്‍ 32 പേരെ തിമിര ശസ്ത്രക്രിയക്ക് തിരഞ്ഞെടുത്തു.  എസ്.എന്‍.ഡി.പി യൂണിയന്‍ ഓഡിറ്റോറിയത്തില്‍ നടന്ന ക്യാംപിന്റെ ഉദ്ഘാടനം ഈസ്‌റ്റേണ്‍ ഗ്രൂപ്പ് ചെയര്‍മാന്‍ നവാസ് മീരാന്‍  നിര്‍വഹിച്ചു.  ക്ലബ്ബ് പ്രസിഡന്റ് എം.എസ് അജി അധ്യക്ഷത വഹിച്ചു.
പാലക്കാട് അഹല്യ ഫൗണ്ടേഷന്‍ കണ്ണാശുപത്രിയുടെ സഹകരണത്തോടെയാണ് പരിപാടി സംഘടിപ്പിച്ചത്. ഗ്രാമപഞ്ചായത്ത് അംഗം തമ്പി ജോര്‍ജ്, വിജയന്‍ തറനിലം, സന്തോഷ് തോപ്പില്‍, കിഷോര്‍, സന്തോഷ് മാധവന്‍, വി.ആര്‍. ശ്രീനാഥ് തുടങ്ങിയവര്‍ പ്രസംഗിച്ചു.  32 പേരേയും ശസ്ത്രക്രിയക്കായി പാലക്കാട് ആശുപത്രിയിലേക്ക് കൊണ്ടുപോയി.