തേഞ്ഞിപ്പലം: കാലിക്കറ്റ് സര്‍വകലാശാല പ്രൈവറ്റ് രജിസ്‌ട്രേഷന്‍ മുഖേന 2016-2017 വിവിധ യുജി, പിജി കോഴ്‌സുകളിലേക്ക് പിഴ കൂടാതെ ഓണ്‍ലൈനായി അപേക്ഷിക്കാനുളള തീയതി ഒക്ടോബര്‍ 27 വരെ നീട്ടി. നൂറ് രൂപ പിഴയോടെ നവംബര്‍ 4 വരെയും അപേക്ഷ സമര്‍പ്പിക്കാം.
അപേക്ഷ ഫോം, അപേക്ഷയോടൊപ്പം വയ്ക്കുന്ന രേഖകള്‍ വിദ്യാഭ്യാസ യോഗ്യതകള്‍,ഫീസ് തുടങ്ങിയ എല്ലാ വിവരങ്ങളും സര്‍വകലാശാല വെബ്‌സൈറ്റില്‍ ലഭ്യമാണ്. അക്ഷയ കേന്ദ്രങ്ങള്‍ ജനസേവന കേന്ദ്രങ്ങള്‍ എസ്ബിടി ഓണ്‍ലൈന്‍ എന്നിവ വഴിയും ഫീസ് അടയ്ക്കാം.
അപേക്ഷയുടെ പ്രിന്റൗട്ട് നവംബര്‍ 11 വരെ സ്വീകരിക്കും. സ്‌പോട്ട് അഡ്മിഷന്‍ സൗകര്യം ഒക്ടോബര്‍ 25 വരെ ലഭ്യമാവും.
പ്രയോജനപ്പെടുത്തേണ്ടവര്‍ അതിനായി 50 രൂപ അധികമായി സ്‌പോട്ട് അഡ്മിഷന്‍ ഫീയായി രസീതും സര്‍ട്ടിഫിക്കറ്റുകളുടെ ഒറിജനലുകളുമായി സര്‍വകലാശാലയില്‍ എത്തണം.