കൊച്ചി: ശുചിത്വ ഭാരതം ആശയത്തിന്റെ പ്രചാരണാര്‍ഥം കേന്ദ്ര സമുദ്രമത്സ്യഗവേഷണ സ്ഥാപനത്തിലെ (സി.എം.എഫ്.ആര്‍.ഐ) ജീവനക്കാര്‍ നഗരത്തില്‍ മനുഷ്യച്ചങ്ങല തീര്‍ത്തു. സി.എം.എഫ്.ആര്‍.ഐ നടത്തുന്ന സ്വച്ഛഭാരത് അഭിയാനിന്റെ ഭാഗമായായിരുന്നു പരിപാടി.
പരിസര ശുചീകരണത്തില്‍ പൊതുജനങ്ങളെ ബോധവല്‍ക്കരിക്കുകയെന്ന ലക്ഷ്യത്തോടെ ശാസ്ത്രജ്ഞരടക്കം 500 പേര്‍ മനുഷ്യച്ചങ്ങലയില്‍ അണിനിരന്നു. ശുചിത്വവുമായി ബന്ധപ്പെട്ട പ്ലക്കാര്‍ഡുകളും മനുഷ്യച്ചങ്ങലയില്‍ ഉണ്ടായിരുന്നു.
രണ്ടാഴ്ച നീണ്ടു നില്‍ക്കുന്ന സി.എം.എഫ്.ആര്‍ഐയുടെ ശുചീകരണ യജ്ഞത്തില്‍ ബീച്ചുകള്‍, ഹാര്‍ബറുകള്‍, നഗരങ്ങളിലെ വിവിധ തെരുവുകള്‍ എന്നിവിടങ്ങളില്‍ ജീവനക്കാര്‍ ശുചീകരണം നടത്തും. ബോധവല്‍ക്കരണ ക്ലാസുകളും മത്സരങ്ങളും പരിപാടിയുടെ ഭാഗമായി നടത്തുന്നുണ്ട്.