അങ്കമാലി: വില്‍പനയ്ക്കായി കൈവശം വച്ചിരുന്ന കഞ്ചാവുമായി രണ്ട് ഇതരസംസ്ഥാനക്കാരെ അങ്കമാലി എക്‌സൈസ് സംഘം പിടികൂടി. മൂര്‍ഷിദാബാദ് സ്വദേശികളായ അജിജുല്‍ ഷാ, റെന്തു മണ്ഡല്‍ എന്നിവരാണ് പിടിയിലായത്.
പഴയമാര്‍ക്കറ്റ് റോഡില്‍ നിന്നും പിടിയിലായ അജിജുല്‍ ഷായുടെ കൈവശം 100 ഗ്രാംകഞ്ചാവും, മുന്‍സിപ്പല്‍ പ്രൈവറ്റ് ബസ് സ്റ്റാന്‍ഡ് പരിസരത്ത് നിന്നുംപിടിയിലായ റെന്തു മണ്ഡലിന്റെ കൈവശം 90 ഗ്രാം കഞ്ചാവുമാണ് ഉണ്ടായിരുന്നത്.
എക്‌സൈസ് ഇന്‍സ്‌പെക്ടര്‍ ഇ.കെ. റെജിമോന്റെ നേതൃത്വത്തില്‍ നടത്തിയ പരിശോധനയിലാണ് ഇവര്‍ കുടുങ്ങിയത്. പ്രിവന്റീവ് ഓഫീസര്‍മാരായ പി.കെ. ബിജു, ഹസൈനാര്‍, സിവില്‍ എക്‌സൈസ് ഓഫീസര്‍മാരായ ടി.ഡി ജോസ്, എ.പി പ്രദീപ്കുമാര്‍, കെ.എ പോള്‍, കെ.എസ് പ്രശാന്ത് എന്നിവരും എക്‌സൈസ് സംഘത്തില്‍ ഉണ്ടായിരുന്നു.