പെരുമ്പാവൂര്‍: കെ.പി.സി.സി ജനറല്‍ സെക്രട്ടറിയും ഐ.എന്‍.റ്റി.യു.സി ജില്ലാ പ്രസിഡന്റും ഓടക്കാലി യൂണിറ്റ് പ്രസിഡന്റുമായി പ്രവര്‍ത്തിച്ച ടി.പി ഹസ്സന്റെ രണ്ടാം ചരമദിനത്തോടനുബന്ധിച്ച് ഐ.എന്‍.ടി.യു.സി ഓടക്കാലി യൂണിറ്റ് അനുസ്മരണ സമ്മേളനം സംഘടിപ്പിച്ചു.
 കെ.പി.സി.സി സെക്രട്ടറി സക്കീര്‍ ഹുസൈന്‍ ഉദ്ഘാടനം നിര്‍വഹിച്ചു. പരിപാടിയോടനുബന്ധിച്ച് അരിവിതരണവും ധനസഹായവിതരണവും കെ.പി.സി.സി സെക്രട്ടറി ജെയ്‌സണ്‍ ജോസഫ് നിര്‍വഹിച്ചു.
മനോജ് മുത്തേടന്‍, എന്‍.എം സലീം, പി.കെ ജമാല്‍, പ്രീത സുകു, ബിനോയ് സി ഐസക്ക്, പി.എസ് രാജന്‍, പി.സി ശിവന്‍, ബിജു കുര്യന്‍, കെ.എം അലിയാര്‍, സി.എം അമീര്‍ എന്നിവര്‍ സംസാരിച്ചു.