എടവണ്ണപ്പാറ: വെട്ടിപ്പൊളിച്ച റോഡ് നന്നാക്കാത്തതില്‍ പ്രതിഷേധിച്ച് വ്യാപാരികള്‍ ഇന്ന് രാവിലെ പത്തിന് റോഡ് ഉപരോധിക്കും. കോഴിക്കോട് നിലമ്പൂര്‍ സംസ്ഥാന പാതയിലെ എടവണ്ണപ്പാറയിലാണ് നവീകരണാവശ്യാര്‍ഥം റോഡ് വെട്ടിപ്പൊളിച്ചത്.
പൊളിച്ച സ്ഥലങ്ങളില്‍ റോഡ് ഉയര്‍ത്താനായി ക്വാറിവേസ്റ്റുകള്‍ ഇട്ടിട്ടുണ്ടെങ്കിലും വെയിലായാല്‍ പൊടിയും മഴ പെയ്താല്‍ ചളിയും ഉണ്ടാകുന്ന അവസ്ഥയാണ്. ഇതുമൂലം യാത്രക്കാരും പരിസരങ്ങളിലുള്ള കച്ചവടക്കാരും ഏറെ പ്രയാസപ്പെടുകയാണ്. നിരവധി തവണ അധികാരികളുടെ ശ്രദ്ധയില്‍ പെടുത്തിയിട്ടും നടപടികളെടുക്കാത്തതിനാലാണ് വ്യാപാരി വ്യവസായി ഏകോപനസമിതി എടവണ്ണപ്പാറ കമ്മിറ്റിയുടെ നേതൃത്വത്തില്‍ റോഡ് ഉപരോധിക്കുന്നത്.