എടവണ്ണപ്പാറ: അനധികൃതമായി ചാക്കിലാക്കിയ മണല്‍ വാഴക്കാട് പൊലിസ് പിടികൂടി. കഴിഞ്ഞ ദിവസം എളമരത്ത്‌വച്ചാണ് 250 ചാക്ക് മണല്‍ വാഴക്കാട് എസ്.ഐ എസ്. സന്തോഷിന്റെ നേതൃത്വത്തിലുള്ള പൊലിസ് പിടിച്ചെടുത്തത്. സെഡ് സാന്‍ഡ് എന്ന പേരില്‍ ചാക്കില്‍ നിറച്ച നിലയിലായിരുന്നു മണല്‍. സമീപത്തെ എളമരം കടവില്‍ നിന്നും അനധികൃതമായി എടുത്ത മണലാണിതെന്ന് പൊലിസ് പറഞ്ഞു.
പഞ്ചായത്ത് കടവില്‍ നിന്നും അനധികൃതമായി മണലെടുക്കുന്ന വിവരം പൊലിസ് പഞ്ചായത്ത് അധികൃതര്‍ ഉള്‍പ്പെടെയുള്ളവരെ വിവരമറിയിച്ചിട്ടും നടപടിയെടുക്കാത്തതാണ് അനധികൃതമായി മണലെടുക്കുന്നത് തുടരുന്നതെന്നും പൊലിസ് പറഞ്ഞു.
പൂട്ടിയിട്ട കടവില്‍ നിന്നും മണലെടുക്കാന്‍ അധികൃതര്‍ ഒത്താശ ചെയ്യുന്നുണ്ടെന്നും നാട്ടുകാര്‍ പരാതിപ്പെട്ടു.