പുത്തനത്താണി: പത്തു വയസുകാരനായ വിദ്യാര്‍ഥിക്ക് നേരെ ലൈംഗികമായി അതിക്രമം കാണിച്ചതിന് അറുപതുകാരനെ കാടാമ്പുഴ എസ്.ഐ മഞ്ജിത്‌ലാല്‍ അറസ്റ്റു ചെയ്തു. കാടാമ്പുഴ പടിഞ്ഞാറെ നിരപ്പിലുള്ള നടക്കാവ്പറമ്പില്‍ അറമുഖനെ(60)യാണ് അറസ്റ്റു ചെയ്തത്. വിദ്യാര്‍ഥിയുടെ അയല്‍വാസി തന്നെയാണ് പ്രതി.
കുട്ടിയെ നിരന്തരം ശല്യം ചെയ്തിരുന്ന പ്രതിയെ കുട്ടിയുടെ പിതാവ് താക്കീത് നല്‍കിയിട്ടും കഴിഞ്ഞ ദിവസവും ഇയാള്‍ കുട്ടിയെ വീണ്ടും ഉപദ്രവിക്കുകയായിരുന്നു. കുട്ടികള്‍ക്കെതിരേയുള്ള ലൈംഗിക അതിക്രമങ്ങള്‍ തടയുന്ന നിയമത്തിലെ സെക്ഷന്‍ എട്ട് പ്രകാരമാണ് അറമുഖനെതിരേ കേസെടുത്തത്. എസ്.ഐ മഞ്ജിത്‌ലാലിനെ കൂടാതെ അഡീ. എസ്.ഐ ശശികുമാര്‍, എസ്.സി.പി.ഒ രവീന്ദ്രന്‍, ഡബ്ല്യൂ.സി.പി.ഒ ശ്രീജ എന്നിവരും അന്വേഷണ സംഘത്തിലുണ്ടായിരുന്നു.