മലപ്പുറം: പനങ്ങാങ്ങര എല്‍.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. പത്രം സ്‌പോണ്‍സര്‍ ചെയ്ത എ.ടി റശീദലി സ്‌കൂള്‍ ലീഡര്‍ കെ ശഹനക്ക് പത്രം കൈമാറി ഉദ്ഘാടനം ചെയ്തു. സ്‌കൂള്‍ ഹെഡ്മിനിസ്ട്രസ് റംല ടീച്ചര്‍ അധ്യക്ഷയായി.
തിരൂര്‍ക്കാട് റെയ്ഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് ശമീര്‍ ഫൈസി ഒടമല പത്രം പരിചയപ്പെടുത്തി.
എസ്.കെ.എസ്.എസ്.എഫ് വിഖായ ജില്ലാ ചെയര്‍മാന്‍ സല്‍മാന്‍ ഫൈസി പുത്തനങ്ങാടി, ചെയര്‍മാന്‍ സാബിത്ത് ഫൈസി, എസ്.ബി.വി ചെയര്‍മാന്‍ ഉമര്‍ ഫൈസി, പി.ടി.എ വൈസ് പ്രസിഡന്റ് സക്കീര്‍ ഹുസൈന്‍, ഷാജിമോന്‍ മാസ്റ്റര്‍, നൗഷാദ് മാസ്റ്റര്‍, വാര്‍ഡ് മെമ്പര്‍ റശീദ് കരിമ്പനക്കല്‍ പങ്കെടുത്തു.