കോഴിക്കോട്: കുറ്റിക്കാട്ടൂര്‍ ഗവ. ഹൈസ്‌കൂള്‍ യുവജനോത്സവത്തിനു തുടക്കം കുറിച്ചുകൊണ്ട് രാഗമാലിക സംഗീത സമന്വയം നടത്തി.
ഹിന്ദുസ്ഥാനി സംഗീതത്തിന്റെയും കര്‍ണാട്ടിക് സംഗീതത്തിന്റെയും വിവിധ ശാഖകളായ മാപ്പിളപ്പാട്ട്, ഗസല്‍, ശാസ്ത്രീയ സംഗീതം, കൊയ്ത്തുപാട്ട്, വഞ്ചിപ്പാട്ട് എന്നിവ കോര്‍ത്തിണക്കിക്കൊണ്ടുള്ള സംഗീത പരിപാടിയാണ് നടത്തിയത്. ആറ്, ഏഴ് ക്ലാസുകള്‍ ഒരു ടീമും, എട്ടാം ക്ലാസ് മറ്റൊരു ടീമും, ഒന്‍പത്, പത്ത് ക്ലാസ് മറ്റൊരു ടീമായും 2500 വിദ്യാര്‍ഥികളെ അണിനിരത്തിയാണ് പരിപാടി സംഘടിപ്പിച്ചത്.
മൂന്നുദിവസം നീണ്ടുനില്‍ക്കുന്ന പരിപാടിയുടെ ഉദ്ഘാടനം പി.ടി.എ പ്രസിഡന്റ് കെ മൂസ മൗലവി നിര്‍വഹിച്ചു. പ്രധാനാധ്യാപകന്‍ രാമന്‍ നമ്പൂതിരി അധ്യക്ഷനായി. ഡെപ്യൂട്ടി ഹെഡ്മിസ്ട്രസ് സുഹറ, അധ്യാപകരായ റസാഖ്, പ്രേംകുമാര്‍, കെ.കെ മുഹമ്മദ് എന്നിവര്‍ സംസാരിച്ചു.