തലശ്ശേരി: ബി.ജെ.പി പ്രവര്‍ത്തകന്‍ പിണറായി വെണ്ടുട്ടായിയിലെ മാണിയത്ത് സത്യനെ(38) തലയറുത്ത് കൊലപ്പെടുത്തിയ കേസിന്റെ വിചാരണ തലശ്ശേരി അഡീഷണല്‍ ജില്ലാ സെഷന്‍സ് കോടതി(ഒന്ന്)യില്‍ ആരംഭിച്ചു. സംഭവ സമയം കതിരൂര്‍ പ്രിന്‍സിപ്പല്‍ എസ്.ഐയും നിലവില്‍ തലശ്ശേരി സി.ഐയുമായ പ്രദീപന്‍ കണ്ണിപ്പൊയിലിനെ ജഡ്ജ് ശ്രീകലാ സുരേഷ് മുമ്പാകെ വിസ്തരിച്ചു. പാനുണ്ട ഹെല്‍ത്ത് സെന്ററിനു സമീപത്തെ റോഡില്‍ ഒരാളെ വെട്ടിപ്പരുക്കേല്‍പ്പിച്ചെന്ന വിവരത്തിന്റെ അടിസ്ഥാനത്തിലാണ് താന്‍ സംഭവ സമയത്ത് എത്തിയതെന്നും അവിടെയത്തി നോക്കിയപ്പോല്‍ അയാള്‍ മരണപ്പെട്ടതായും സി.ഐ മൊഴി നല്‍കി. സി.പി.എം പ്രവര്‍ത്തകരായ പി.എ മനോരാജ് എന്ന നാരായണന്‍, ഒ.പി മനൂപ് എന്ന മുത്തു, കരുവാന്റവിടെ അജേഷ്, കൂത്തുപറമ്പ് പുറക്കളത്തെ ഷഫീഖ്, പൂവാടന്‍ ശ്രീജേഷ്, കരിപ്പാങ്കണ്ടി റഹീം, വി ദിലീപ്, ആലയത്ത്കണ്ടി സജീര്‍ എന്നിവരാണ് കേസിലെ പ്രതികള്‍.