പാനൂര്‍: കലയെ ഒഴിവാക്കിയുള്ള മനുഷ്യ ജീവിതം അസാധ്യമാണെന്ന് എഴുത്തുകാരന്‍ എന്‍ പ്രഭാകരന്‍. വിദ്യാരംഗം പാനൂര്‍ ഉപജില്ലാ കമ്മിറ്റി പുറത്തിറക്കുന്ന സുവനീര്‍ പ്രമുഖ ഗാന്ധിയന്‍ കെ.പി.എ റഹീമിനു നല്‍കി സംസാരിക്കുകയായിരുന്നു അദ്ദേഹം. പാനൂര്‍ നഗരസഭ വിദ്യാഭ്യാസ സ്ഥിരം സമിതി അധ്യക്ഷ കെ സുഹറ അധ്യക്ഷയായി. കണ്ണൂര്‍ ഡയറ്റ് പ്രിന്‍സിപ്പല്‍ സി.എം ബാലകൃഷ്ണന്‍ മുഖ്യാതിഥിയായി. കോഓര്‍ഡിനേറ്റര്‍ സുന്ദരേശന്‍ തളത്തില്‍ റിപ്പോര്‍ട്ട് അവതരിപ്പിച്ചു. സി.കെ സുനില്‍കുമാര്‍, രഹ്നഖാദര്‍, കെ.കെ ദിനേശന്‍, വി.പി നാണു, എം.കെ വസന്തന്‍, കെ.കെ സജീവ് കുമാര്‍, സി.പി സുധീന്ദ്രന്‍, കെ.ആര്‍ ജയശ്രീ, എം മുരളീധരന്‍, പി ശ്രീനിവാസന്‍, വി.കെ സ്മിത, കെ.എം സുനലന്‍ സംസാരിച്ചു. പ്രശസ്ത സോപാനഗായകന്‍ ഞരളത്ത് ഹരിഗോവിന്ദന്റെ സോപാന സംഗീതവും അരങ്ങേറി.