ചൊക്ലി: കരിയാട് വീണ്ടും ബൈക്കുകള്‍ കത്തിച്ചു. ബി.ജെ.പി പ്രവര്‍ത്തകന്റെ രണ്ട് ബൈക്കുകളാണ് അഗ്‌നിക്കിരയാക്കിയത്. കെ.എന്‍.യു.പി സ്‌കൂളിന് സമീപം പത്മ സ്റ്റോര്‍ ഉടമ പത്മാലയത്തില്‍ സുരേന്ദ്രന്റെയും മകന്‍ വൈശാഖിന്റെയും ബൈക്കുകളാണ് കത്തിച്ചത്.
ഇന്നലെ പുലര്‍ച്ചെ മൂന്നോടെ വീട്ടുമുറ്റത്തു നിന്നു റോഡിലേക്ക് ഇറക്കി കൊണ്ടുവന്നാണ് രണ്ടു ബൈക്കും കത്തിച്ചത്.
ചൊക്ലി എസ്.ഐ ഇ.വി ഫായിസ് അലിയുടെ നേതൃത്വത്തില്‍ പൊലിസ് സ്ഥലത്തെത്തി അന്വേഷണം നടത്തി.
പ്രദേശത്ത് മുന്‍പും രാഷ്ട്രീയ പ്രവര്‍ത്തകരുടെ വാഹനങ്ങള്‍ അഗ്നിക്കിരയാക്കിയിട്ടുണ്ട്.