കരുനാഗപ്പള്ളി: അനധികൃത മദ്യക്കച്ചവടം നടത്തിയയാള്‍ പിടിയില്‍. പാവുമ്പ മണപ്പള്ളി വടക്ക് മുറി ശ്രീജിത്ത് ഭവനത്തില്‍ വിക്രമനാണ് എക്‌സൈസ് സംഘത്തിന്റെ പിടിയിലായത്.
ഇയാളില്‍ നിന്നു  നാല് ലിറ്റര്‍ വിദേശമദ്യവും വില്‍പന നടത്താന്‍ ഉപയോഗിച്ചിരുന്ന ബൈക്കും പിടിച്ചെടുത്തു. പാവുമ്പായില്‍ വെച്ച് എക്‌സൈസ് സംഘത്തെ ആക്രമിച്ച കേസില്‍ ഇയാള്‍ ജയില്‍ ശിക്ഷ അനുഭവിച്ചിരുന്നു.  കരുനാഗപ്പള്ളി ഒന്നാം ക്ലാസ്സ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ  റിമാന്‍ഡ് ചെയ്തു. അസി: എക്‌സൈസ് ഇന്‍സ്‌പെക്ടര്‍ രാമചന്ദ്രന്‍ പിള്ള, പ്രിവന്റീവ് ഓഫീസര്‍മാരായ കെ ദാസ്, എസ് ഹരികൃഷ്ണന്‍ തുടങ്ങിയവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.