ന്യൂഡല്‍ഹി: പൗരത്വ ഭേദഗതി നിയമത്തിനെതിരെ സമസ്ത കേരള ജംഇയ്യത്തുല്‍ ഉലമാ ഫയല്‍ ചെയ്തിരുന്ന റിട്ട് പെറ്റീഷന്‍ (സിവില്‍) നമ്പര്‍: 60 ഓഫ് 2020 നമ്പര്‍ കേസ് ചൊവ്വാഴ്ച സുപ്രീം കോടതി വീണ്ടും പരിഗണിക്കും. ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസുമാരായ ജെ.ബി. പര്‍ദിവാല, മനോജ് മിശ്ര എന്നിവര്‍ അടങ്ങിയ ബെഞ്ചാണ് കേസ് കേസ് പരിഗണിക്കുന്നത്.

 2024 മാര്‍ച്ച് മാസം 19ാം തിയ്യതി നടന്ന ഹിയറിംഗില്‍ കേന്ദ്ര സര്‍ക്കാര്‍ ആവശ്യപ്പെട്ടതനുസരിച്ച് മറുപടി നല്‍കാന്‍ രണ്ടാഴ്ച്ച കാലത്തെ സമയം അനുവദിച്ചതായിരുന്നു. അപ്രകാരം ഹരജിക്കാരുടെ സ്റ്റേ അപ്ലിക്കേഷനുകളും കേന്ദ്ര സര്‍ക്കാരിന്റെ മറുപടിയും പ്രകാരം ചൊവ്വാഴ്ച്ച വാദം നടക്കും.