തിരുവനന്തപുരം: തിരുവിതാംകൂര്‍ ദേവസ്വം ബോര്‍ഡ് അംഗമായി കെ. രാഘവന്‍ സത്യപ്രതിജ്ഞ ചെയ്ത് ചുമതലയേറ്റു. മുന്‍ അംഗം പി.കെ കുമാരന്റെ കാലാവധി അവസാനിച്ച ഒഴിവിലാണ് അദ്ദേഹത്തിന്റെ നിയമനം. ആലപ്പുഴ നൂറനാട് സ്വദേശിയാണ്.
സുദീര്‍ഘമായ പൊതുപ്രവര്‍ത്തന പാരമ്പര്യമുള്ള കെ. രാഘവന് ദേവസ്വം ബോര്‍ഡിന്റെ പ്രവര്‍ത്തനങ്ങളില്‍ കാതലായ സംഭാവനകള്‍ നല്‍കാന്‍ കഴിയുമെന്ന് ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. പൊതുമരാമത്ത് വകുപ്പ് മന്ത്രി ജി. സുധാകരന്‍, ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍, ദേവസ്വം ബോര്‍ഡ് അംഗം അജയ് തറയില്‍, ദേവസ്വം ബോര്‍ഡ് കമ്മിഷനര്‍ രാമരാജപ്രസാദ്, എന്നിവര്‍ സംബന്ധിച്ചു.