തിരുവനന്തപുരം: ഉഷ്ണമേഖലാ കിഴങ്ങുവര്‍ഗങ്ങള്‍, ഗോത്രസമൂഹത്തിന്റെ ക്ഷേമത്തിനും നിലനില്‍പിനുമെന്ന വിഷയത്തില്‍ 22 വരെ നടക്കുന്ന ദേശീയസമ്മേളനത്തിന് ശ്രീകാര്യം ഐ.സി.എ.ആര്‍-സി.റ്റി.സി.ആര്‍.ഐയില്‍ തുടക്കമായി. ഡോ.ശശി തരൂര്‍ എം.പി ഉദ്ഘാടനം നിര്‍വഹിച്ചു. ന്യൂഡല്‍ഹി ഐ.സി.എ.ആര്‍ ഡയരക്ടര്‍ ജനറല്‍ ഡോ.ടി. മൊഹാപത്ര മുഖ്യപ്രഭാഷണം നടത്തി.
ഐ.സി.എ.ആര്‍-സി.ടി.സി.ആര്‍.ഐ ഡയറക്ടര്‍ ഡോ.ജെയിംസ് ജോര്‍ജ്, ഇന്ത്യന്‍ സൊസൈറ്റി ഫോര്‍ റൂട്ട് ക്രോപ്‌സ് പ്രസിഡന്റ് ഡോ.സി.എ ജയപ്രകാശ് എന്നിവര്‍ സംസാരിച്ചു. രാവിലെ വിവിധ സെഷനുകളിലായി മധ്യപ്രദേശ് ഇന്ദിരാഗാന്ധി ദേശീയ ട്രൈബല്‍ യൂനിവേഴ്‌സിറ്റി വൈസ് ചാന്‍സലര്‍ ഡോ.ടി.വി കട്ടിമണി, ഡോ.രാഘവന്‍ പയ്യനാട് എന്നിവര്‍ വിഷയാവതരണം നടത്തി.