തലശ്ശേരി: 200 പാക്കറ്റ് ബ്രൗണ്‍ഷുഗറുമായി രണ്ടു പേര്‍ തലശ്ശേരി പൊലിസിന്റെ പിടിയിലായി. ചാലില്‍ സ്വദേശി തച്ചങ്കണ്ടി വീട്ടില്‍ സജീര്‍(33), കൂത്തുപറമ്പ് ദാസന്‍ ക്വാട്ടേഴ്‌സില്‍ സഹീര്‍(23) എന്നിവരെയാണ് ഇരുപത് ഗ്രാമിന്റെ 200 പാക്കറ്റുമായി ഇന്നലെ വൈകുന്നേരം അറസ്റ്റ് ചെയ്തത്.
ജില്ലാ പൊലിസ് സൂപ്രണ്ടിന്റെ നര്‍കോട്ടിക് സെല്ലും തലശ്ശേരി സി.ഐ പ്രദീപ് കണ്ണിപ്പൊയില്‍, എസ്.ഐ സന്തോഷ് എന്നിവരുടെ നേതൃത്വത്തിലുള്ള സംഘമാണ് ഇരുവരേയും തലശ്ശേരി ജൂബിലി റോഡിലെ ചന്ദ്രവിലാസം ഹോട്ടലിനു സമീപം അറസ്റ്റ് ചെയ്തത്. മുംബൈയില്‍ വച്ചാണ് ഇവര്‍ ബ്രൗണ്‍ഷുഗര്‍ കേന്ദ്രത്തിലെത്തിക്കുന്നത്. ഒരു ലക്ഷം രൂപ വിലമതിക്കുന്ന ബ്രൗണ്‍ഷുഗറാണ് പിടിച്ചെടുത്തത്. തലശ്ശേരിയിലെ നിരവധി യുവാക്കള്‍ ഇവരില്‍ നിന്നു ബ്രൗണ്‍ഷുഗര്‍ വാങ്ങുന്നുണ്ടെന്ന് പൊലിസ് പറഞ്ഞു. ഇരുവരേയും വടകര നര്‍ക്കോട്ടിക് കോടതിയില്‍ ഹാജരാക്കി.