ചെറുപുഴ: തിരുമേനി ഗവ: ഹയര്‍ സെക്കന്‍ഡറി സ്‌കൂളില്‍ മുന്‍ രാഷ്ട്രപതി എ.പി.ജെ അബ്ദുല്‍ കലാമിന്റെ അര്‍ധകായ പ്രതിമയുടെ അനാവരണം ജില്ലാപഞ്ചായത്ത് പ്രസിഡന്റ് കെ.വി സുമേഷ് നിര്‍വ്വഹിച്ചു. ചെറുപുഴ പഞ്ചായത്ത് പ്രസിഡന്റ് ജമീല കോളയത്ത് അധ്യക്ഷയായി. നാട്ടുകാരുടെ സഹായത്തോടെ സ്‌കൂളിനു ലഭിച്ച കംപ്യൂട്ടറിന്റെ സമര്‍പ്പണം ജില്ലാ പഞ്ചായത്തംഗം പി ജാനകി നിര്‍വ്വഹിച്ചു. ചടങ്ങില്‍ ശില്‍പി തോമസ് തുണ്ടിയിലിനെ ആദരിച്ചു. പി.ടി.എ പ്രസിഡന്റ് കെ.കെ ജോയി, പ്രിന്‍സിപ്പല്‍ എ.വി ശിവദാസ്, പഞ്ചായത്ത് സ്ഥിരം സമിതി ചെയര്‍പേഴ്‌സണ്‍ റോസിലി ആടിമാക്കല്‍, ജനപ്രതിനിധികളായ ജോസഫ് മുള്ളന്‍മട, ബിന്ദു ബിജു, പ്രധാനധ്യാപകന്‍ പ്രേമരാജന്‍, മുന്‍ പ്രധാനധ്യാപകന്‍ പി.പി സുഗതന്‍, ജി പ്രദീപ്കുമാര്‍, ബി.ജി പ്രകാശന്‍, കെ.വി പ്രകാശന്‍, എം.സി ഹരികുമാര്‍, അലന്‍ സുരേഷ് സംസാരിച്ചു.