പാലക്കാട്: സംസ്ഥാന പട്ടികജാതി-വര്‍ഗ വികസന കോര്‍പ്പറേഷന്‍, ദേശീയ പട്ടികജാതി ധനകാര്യ വികസന കോര്‍പ്പറേഷന്റെ വായ്പാ സഹായത്തോടെ നടപ്പാക്കുന്ന 5000 രൂപയുടെ സ്വയം തൊഴില്‍ വായ്പ പദ്ധതി 'മഹിളാ സമൃദ്ധി യോജന' പദ്ധതി പ്രകാരം അപേക്ഷ ക്ഷണിച്ചു.
അപേക്ഷകര്‍ പട്ടികജാതിയില്‍പ്പെട്ട തൊഴില്‍രഹിതരും 18നും 50നും മധ്യേ പ്രായമുള്ളവരുമാവണം കുടംബ വാര്‍ഷശിക വരുമാനം ഗ്രാമ പ്രദേശങ്ങളിലുള്ളവര്‍ക്ക് 98,000 രൂപയും നഗരപ്രദേശങ്ങളിലുള്ളവര്‍ക്ക് 1,20,000 രൂപയിലും കവിയരുത്.
കൃഷിഭൂമി മോട്ടോര്‍ വാഹനം വാങ്ങല്‍ ഒഴികെ വിജയ സാധ്യതയുള്ള ഏതൊരു സ്വയം തൊഴില്‍ പദ്ധതിയിലും ഗുണഭോക്താവിന് ഏര്‍പ്പെടാം. വായ്പാ തുക നാലു ശതമാനം പലിശ സഹിതം മൂന്നു വര്‍ഷം കൊണ്ട് തിരിച്ചടക്കണം. തിരഞ്ഞെടുക്കപ്പെടുന്നവര്‍ ഈടായി കോര്‍പ്പറേഷന്റെ നിബന്ധനകള്‍ക്കനുസരിച്ച് ആവശ്യമായ ഉദ്യോഗസ്ഥ ജാമ്യമോ വസ്തുജാമ്യമോ നല്‍കണം.
അപേക്ഷാ ഫോമും വിശദ വിവരവും മേട്ടുപ്പാളയം സ്ട്രീറ്റില്‍ നൈാന്‍ കോംപ്ലക്‌സിലുള്ള ജില്ലാ കാര്യാലയത്തില്‍ ലഭിക്കും. ഫോണ്‍: 0491 2544411.