ചെര്‍പ്പുളശ്ശേരി: മലബാര്‍ പോളിടെക്‌നിക്കില്‍ നിന്നും സിവില്‍, മെക്കാനിക്കല്‍, ഇലക്ട്രിക്കല്‍ എന്നീവിഭാഗങ്ങളില്‍ നിന്നായി 240 വിദ്യാര്‍ഥികളുള്‍കൊള്ളുന്ന രണ്ടാം ബാച്ച് സനദ് നേടി പുറത്തിറങ്ങി. സനദ് ദാന സമ്മേളനം മലബാര്‍ എജുക്കേഷണല്‍ ട്രസ്റ്റ് ചെയര്‍മാന്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്തു. ട്രസ്റ്റ് വൈസ് ചെയര്‍മാന്‍ മരക്കാര്‍ മാരായമംഗലം അധ്യക്ഷനായി. പ്രിന്‍സിപ്പല്‍ പി.കെ അബ്ദുല്‍ കരീം റിപ്പോര്‍ട്ട് അവതരിപ്പിച്ചു. ചെര്‍പ്പുളശ്ശേരി നഗരസഭ ചെയര്‍പേഴ്‌സണ്‍ ശ്രീലജ വാഴക്കുന്നത്ത് അവാര്‍ഡ് വിതരണവും വൈസ് ചെയര്‍മാന്‍ കെ.കെ.എ അസീസ് മുഖ്യപ്രഭാഷണവും നിര്‍വഹിച്ചു. ട്രസ്റ്റ് സെക്രട്ടറി എം.പി അബ്ദുറഹ്മാന്‍ മാസ്റ്റര്‍, പി.പി വിനോദ് കുമാര്‍, എന്‍. മുഹമ്മദ്, കെ.കെ പ്രകാശന്‍, ഹംസ കൊല്ലിയത്ത്, ആര്‍. അരുണ്‍, ജംഷീര്‍, മുഹമ്മദ് താഹിര്‍, കെ. ഇസ്ഹാഖ് പ്രസംഗിച്ചു.