ചാവക്കാട്: എസ്.കെ.എസ്.എസ്.എഫിന്റെ സന്നദ്ധ സേവന വിഭാഗമായ വിഖായയുടെ രണ്ടാം ഘട്ട ക്യാംപ് നാളെ ഗുരുവായൂര്‍ ലൈബ്രറി ഹാളില്‍ നടക്കുമെന്ന് സംഘാടകരറിയിച്ചു. നാളെ രാവിലെ ഒമ്പത്് മുതല്‍ വൈകിട്ട് ഏഴുവരെ നടക്കുന്ന ക്യാംപില്‍ പാലിയേറ്റീവ് കെയര്‍, റോഡ് സുരക്ഷാ നിയമം, മയ്യിത്ത് പരിപാലനം, സംഘാടനം, ഫിസിക്കല്‍ ട്രയിനിങ്, സഹചാരി, വിഖായ എന്നീ വിഷയങ്ങളില്‍ സംസ്ഥാനത്തെ വിദഗ്ദരായ പരിശീലകര്‍ ക്ലാസ് നയിക്കും. ഗുരുവായൂര്‍ അസിസ്റ്റന്റ് പൊലിസ് കമ്മീഷണര്‍ ശിവദാസന്‍, ആര്‍.ടി.ഒ ഇബ്രാഹിം കുട്ടി, എസ്.കെ.എസ്.എസ്.എഫ് സംസ്ഥാന ട്രഷറര്‍ ബഷീര്‍ ഫൈസി വെണ്ണക്കോട്, വിഖായ കണ്‍വീനര്‍ സലാം ഫാറൂഖ്, റിട്ട. ഡി.വൈ.എസ്.പി കെ.ബി സുരേഷ്, ഗുരുവായൂര്‍ നഗരസഭാ കൗണ്‍സിലര്‍ റഷീദ് കുന്നിക്കല്‍, എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ധീഖ് ബദ്‌രി, സെക്രട്ടറി ഷഹീര്‍ ദേശമംഗലം, ട്രഷറര്‍ മഹ്‌റൂഫ് വാഫി, ഷാഹുല്‍ പഴുന്നാന, സിറാജ് തെന്നല്‍, ഖാദര്‍ ദാരിമി, മേഖല പ്രസിഡന്റ് ശഫീഖ് ഫൈസി, ലത്തീഫ് ഹൈത്തമി എന്നിവര്‍ പങ്കെടുക്കുമെന്ന് വിഖായ ജില്ലാ കോ ഓര്‍ഡിനേറ്റര്‍ സത്താര്‍ ദാരിമി തിരുവത്ര അറിയിച്ചു.