കയ്പമംഗലം: കേരള സ്റ്റേറ്റ് ലൈബ്രറി കൗണ്‍സില്‍ പൊതുവിദ്യാഭ്യാസ വകുപ്പിന്റെ സഹകരണത്തോടെ നടത്തുന്ന 'എന്റെ വായന, എന്റെ കുറിപ്പ്, എന്റെ എഴുത്തുപെട്ടി' പദ്ധതി പ്രകാരം കൂളിമുട്ടം ടി.ആര്‍ അയ്യപ്പന്‍മാസ്റ്റര്‍ സ്മാരക വായനശാലയുടെ ആഭിമുഖ്യത്തില്‍ എമ്മാട് യു.പി സ്‌കൂളില്‍ എഴുത്തുപെട്ടി സ്ഥാപിച്ചു. കഥാകൃത്ത് യു.കെ സുരേഷ്‌കുമാര്‍ ഉദ്ഘാടനം ചെയ്തു. പ്രധാനധ്യാപകന്‍ വി.കെ രാജീവ്, പി.ടി.എ പ്രസിഡന്റ് കെ.വി പ്രസാദ്, ടി.ബി സുരേഷ്, ടി.എസ് രാജു, ടി.ബി സന്തോഷ്‌കുമാര്‍, സുനില്‍.പി.മതിലകം സംസാരിച്ചു. വായനാ മത്സരത്തിലെ വിജയികളായ കെ.പി ശ്രീലക്ഷ്മി, വി.എസ് സോജ, ടി.ആര്‍ അനാമിയ എന്നിവര്‍ക്ക് സമ്മാനവിതരണം നടത്തി.