മോസ്‌കോ: സിറിയയില്‍ 24 മണിക്കൂര്‍ കൂടി വെടിനിര്‍ത്തല്‍ ദീര്‍ഘിപ്പിക്കാമെന്ന് റഷ്യ. വെള്ളിയാഴ്ച ഉച്ചകഴിയും വരെ വെടിനിര്‍ത്തല്‍ തുടരാമെന്നാണ് റഷ്യന്‍ പ്രതിരോധ മന്ത്രി സെര്‍ജി ഷൊയ്ഗു വ്യക്തമാക്കിയത്. ഇതിനു റഷ്യന്‍ പ്രസിഡന്റ് വ്‌ളാദ്്മിര്‍ പുടിന്‍ ഉത്തരവിട്ടതായും അദ്ദേഹം അറിയിച്ചു.
അതിനിടെ യുദ്ധത്തില്‍ പരുക്കേറ്റ നൂറുകണക്കിനു ആളുകളെ സുരക്ഷിത സ്ഥലങ്ങളിലെത്തിക്കാന്‍ യു.എന്‍ ദുരിതാശ്വാസ മേധാവി നിര്‍ദേശം നല്‍കി. റഷ്യയുടെ വെടിനിര്‍ത്തല്‍ ആഹ്വാനം വിമതര്‍ തള്ളി. വെടിനിര്‍ത്തല്‍ കൂടുതല്‍ സമയത്തേക്ക് വേണമെന്നാണ് യു.എസിന്റെ ആവശ്യം.