മഞ്ചേരി: ശാസ്ത്ര സാങ്കേതിക രംഗത്തു മികച്ച പുരോഗതികള്‍ ഉണ്ടായികൊണ്ടിരിക്കുന്നുണ്ടെങ്കിലും വളര്‍ച്ചയുടെ ഉത്തുംഗതിയിലെത്താന്‍ പുതിയ തലമുറ ഇനിയും പരിശ്രമിക്കണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍ പറഞ്ഞു. മഞ്ചേരി പട്ടര്‍കുളം അല്‍ഹുദാ ഇംഗ്ലിഷ് സ്‌കൂള്‍ കെട്ടിടോദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
നിര്‍മാണ്‍ മുഹമ്മദലി അധ്യക്ഷനായി. മദ്‌റസ പൊതുപരീക്ഷ റാങ്ക് ജേതാക്കള്‍ക്കുള്ള അവാര്‍ഡ്ദാനം ഹജ്ജ് കമ്മിറ്റി ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാര്‍ നിര്‍വഹിച്ചു.
വെബ്‌സൈറ്റ് ലോഞ്ചിങ് പി.വി അബ്ദുല്‍വഹാബ് എം.പിയും സയന്‍സ് ഇന്‍സ്റ്റിറ്റ്യൂട്ട് ടോപ്പേഴ്‌സ് അവാര്‍ഡ് ദാനം മുനിസിപ്പല്‍ വൈസ് ചെയര്‍മാന്‍ വി.പി ഫിറോസും നിര്‍വഹിച്ചു. സി.ടി അബ്ദുല്ലകുട്ടിഹാജി, മുഹമ്മദ് ബഷീര്‍ ബാഖവി, കെ.കെ.ബി മുഹമ്മദലി, ഡോ. മുഹമ്മദ് അസ്‌ലം, പ്രിന്‍സിപ്പല്‍ ഇ.കെ മുഹമ്മദ് ഷഫീഖ്, കൗണ്‍സിലര്‍ അഡ്വ. കെ. ഫിറോസ് ബാബു, കൊടക്കാടന്‍ ഹുസൈന്‍, കെ.ഹംസ, കണ്ണിയന്‍ മുഹമ്മദാലി തുടങ്ങിയവര്‍ സംബന്ധിച്ചു.