മലപ്പുറം: കാലം ചെല്ലുംതോറും ഗാന്ധിജിക്കും ഗാന്ധിയന്‍ ആദര്‍ശങ്ങള്‍ക്കും പ്രസക്തി ഏറി വരുകയാണെന്നു മുന്‍ മന്ത്രിയും ഗാന്ധിദര്‍ശന്‍ സമിതി സംസ്ഥാന പ്രസിഡന്റുമായ വി.സി കബീര്‍ മാസ്റ്റര്‍ അഭിപ്രായപ്പെട്ടു. ഗാന്ധിദര്‍ശന്‍ സമിതി മലപ്പുറം ജില്ലാ കമ്മിറ്റി രൂപീകരണയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പരിപാടിയില്‍ പി.ഗോപീകൃഷ്ണന്‍ അധ്യക്ഷനായി. യൂത്ത്‌കോണ്‍ഗ്രസ് സംസ്ഥാന സെക്രട്ടറി കെ.എ അറഫാത്ത്, നാസര്‍ പറപ്പൂര്‍, ബൈജു വടക്കുംപുറം പ്രസംഗിച്ചു. ജില്ലാ കമ്മിറ്റി ഭാരവാഹികളെ യോഗത്തില്‍ തെരഞ്ഞെടുത്തു.
ചെയര്‍മാനായി പി.കെ.എം ബാവയെയും വൈസ് ചെയര്‍മാനായി ചെമമൂക്കന്‍ ബീരാന്‍, സുകുമാരന്‍ കൊടിയേരി, ഷാജി പാണാട്ടി എന്നിവരെയും ജനറല്‍ കണ്‍വീനറായി സി.പി നിയാസിനെയും ട്രഷററായി രാഹുല്‍ ചേളാരിയെയും തെരഞ്ഞെടുത്തു.