തിരൂര്‍: കോളജ് യൂനിയന്‍ തെരഞ്ഞെടുപ്പിലെ വിജയാഹ്ലാദ പ്രകടനത്തിനിടെ പടക്കംപൊട്ടി വിദ്യാര്‍ഥിക്കു കൈക്കു പൊള്ളലേറ്റു. തിരൂര്‍ തുഞ്ചന്‍ മെമ്മോറിയല്‍ ഗവ. കോളജ് അറബിക് വിഭാഗം വിദ്യാര്‍ഥിയും എം.എസ്.എഫ് പ്രവര്‍ത്തകനുമായ ജംഷാദിനാണ് പരുക്കേറ്റത്. കോളജ് തെരഞ്ഞെടുപ്പിനു ശേഷം നടന്ന ആഹ്ലാദപ്രകടനത്തിനിടെയായിരുന്നു സംഭവം. ജംഷാദിനെ തിരൂര്‍ ജില്ലാ ആശുപത്രിയില്‍ പ്രവേശിപ്പിച്ചു.