ന്യൂഡല്‍ഹി: വാഗ്ദാനപ്പെരുമഴയുമായി എത്തിയ റിലയന്‍സ് ജിയോയുടെ സ്പീഡ് വളരെക്കുറവാണെന്ന് ടെലികോം റെഗുലേറ്ററി അതോറിറ്റി. പ്രധാനപ്പെട്ട അഞ്ച് ടെലികോം ഓപ്പറേറ്റമാരില്‍ രാജ്യത്തെ ഏറ്റവും വേഗത കുറഞ്ഞ 4ജി നെറ്റ്‌വര്‍ക്ക് ജിയോയുടേതാണെന്ന് ട്രായ് പറഞ്ഞു.

ട്രായ് ഈയിടെ തുടങ്ങിയ മൈ സ്പീഡ് വെബ്‌സൈറ്റില്‍ ഇക്കാര്യം ഗ്രാഫ് സഹിതം വിവരിക്കുന്നുണ്ട്. റിലയന്‍സ് ജിയോയുടെ 4ജി ഡൗണ്‍ലോഡ് സ്പീഡ് സെക്കന്റില്‍ ശരാശരി 6.2 എം.ബി മാത്രമാണെന്ന് ഇതില്‍ വ്യക്തമാക്കുന്നുണ്ട്.

അപ്‌ലോഡ് സ്പീഡിന്റെ കാര്യവും കഷ്ടത്തിലാണ്. ഇക്കാര്യത്തില്‍ രാജ്യത്ത് ആറാമതാണ് ജിയോ. ശരാശരി അപ്‌ലോഡ് സ്പീഡ് സെക്കന്റില്‍ 2.6 എം.ബി മാത്രമാണ്. ഇക്കാര്യത്തില്‍ ജിയോയ്ക്കു പിറകിലുള്ളത് റിലയന്‍സ് കമ്മ്യൂണിക്കേഷന്‍സ് മാത്രമാണ്.

Read More... ജിയോ, 2ജിയുടെ സ്പീഡ് പോലുമില്ലാത്ത 4ജി നെറ്റ്‌വര്‍ക്ക്