അമ്പലപ്പുഴ: മദ്യപിച്ച് ജോലിക്കെത്തിയ കെ.എസ്.ആര്‍.ടി.സി കണ്ടക്ടറെ സസ്‌പെന്‍ഡ് ചെയ്തു. എടത്വാ ഡിപ്പോയിലെ കണ്ടക്ടര്‍ നാസറിനെയാണ് സസ്‌പെന്‍ഡ് ചെയ്തത്. എടത്വായില്‍നിന്ന് എറണാകുളത്തേക്ക് പുലര്‍ച്ചെയുള്ള സര്‍വിസിലെ കണ്ടക്ടറായിരുന്നു ഇദ്ദേഹം.
  ബസ് ആലപ്പുഴയിലെത്തിയതിന് ശേഷം ഇദ്ദേഹത്തെ ഏറെസമയം കാണാതാകുകയായിരുന്നു. പിന്നീട് തിരിച്ചെത്തിയപ്പോഴാണ് നാസര്‍ മദ്യപിച്ചിരുന്നുവെന്ന് തെളിഞ്ഞത്.  പരിശോധനയില്‍ മദ്യപിച്ചതായി കണ്ടെത്തിയതിനെ തുടര്‍ന്ന് അധികൃതര്‍ ഇദ്ദേഹത്തെ സസ്‌പെന്‍ഡ് ചെയ്യുകയായിരുന്നു.