തിരുവനന്തപുരം: സ്വരലയ ദേവരാജന്‍ പുരസ്‌കാരത്തിന് വിഖ്യാത വയലിനിസ്റ്റും സംഗീതജ്ഞനുമായ ഡോ.എല്‍ സുബ്രഹ്മണ്യം അര്‍ഹനായി.
ഒരു ലക്ഷം രൂപയും പ്രശസ്തി പത്രവും ശില്‍പ്പവും അടങ്ങുന്നതാണ് പുരസ്‌കാരം. എം എ ബേബി ചെയര്‍മാനും ഡോ. കെ ഓമനക്കുട്ടി, കെ വി മോഹന്‍കുമാര്‍ ഐ.എ.എസ് ലെനിന്‍ രാജേന്ദ്രന്‍, അബ്രിതിത ബാനര്‍ജി, ജി രാജ്‌മോഹന്‍ എന്നിവര്‍ അംഗങ്ങളുമായ ജൂറിയാണ് അവാര്‍ഡ് നിര്‍ണയിച്ചത്.
ചലച്ചിത്ര പിന്നണി രംഗത്തെ സംഗീതജ്ഞനും കീബോര്‍ഡ് ആര്‍ട്ടിസ്റ്റുമായിരുന്ന കണ്ണന്റെ (സൂരജ് ബാലകൃഷ്ണന്‍) സ്മരണാര്‍ഥം സ്വരലയയുമായി സഹകരിച്ച് ഈണം ഇന്റര്‍നാഷണല്‍ ഏര്‍പ്പെടുത്തിയ പ്രഥമ സംഗീത പുരസ്‌കാരത്തിന് പ്രശസ്ത കീബോര്‍ഡിസ്റ്റ് സ്റ്റീഫന്‍ ദേവസ്യയെ തെരഞ്ഞെടുത്തു.