തിരുവനന്തപുരം: ഓടിക്കൊണ്ടിരുന്ന ബൈക്കിന് തീപിടിച്ചു. യാത്രക്കാരന് പരുക്കില്ല. ഇന്നലെ രാവിലെ എട്ടു മണിയോടെ പൊലിസ് ആസ്ഥാനത്തിന് മുന്നിലാണ് സംഭവം.
വലിയശാല സ്വദേശി വെങ്കിടേശ്വരന്‍ സഞ്ചരിച്ചിരുന്ന ബൈക്കാണ് കത്തിനശിച്ചത്. എന്‍ജിനില്‍ നിന്നും വന്ന തീപ്പൊരി ഇന്ധന ടാങ്കിലേക്ക് വീണയുടന്‍ ബൈക്കിന് തീപിടിക്കുകയായിരുന്നു. വെങ്കിടേശ്വര്‍ ബൈക്കില്‍ നിന്നും ചാടിയിറങ്ങിയതിനാല്‍ അപകടം ഒഴുവാകുകയായിരുന്നു. ചെങ്കല്‍ ചൂളയില്‍ നിന്നും ഒരു യൂനിറ്റ് ഫയര്‍ഫോഴ്‌സ് എത്തിയാണ് തീയണച്ചത്.