കുന്ദമംഗലം:കുന്ദമംഗലം മേഖലാ എസ്.കെ.എസ്.എസ്.എഫ് ഇന്റര്‍കോണ്‍ ഇന്ന് കുറ്റിക്കാട്ടൂര്‍ ആനക്കുഴിക്കര മാണിയമ്പലത്ത് അസാസുല്‍ ഇസ്്‌ലാം മദ്‌റസാ ഓഡിറ്റോറിയത്തില്‍ നടക്കും.
 വൈകുന്നേരം 4.30ന് നടക്കുന്ന മജ്‌ലിസുന്നൂറിന് ഒളവണ്ണ അബൂബക്കര്‍ ദാരിമി നേതൃത്വം നല്‍കും. എ.ടി ബഷീര്‍ ഹാജി പതാക ഉയര്‍ത്തും.
ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി ഇന്റര്‍കോണ്‍ ഉദ്ഘാടനം ചെയ്യും. തുടര്‍ന്ന് ഡൈനാമിക് 'ലീഡര്‍ഷിപ്പ് 'എന്ന വിഷയത്തില്‍ റഹീം ചുഴലിയും 'നമ്മുടെ പ്രസ്ഥാനം' വ്യതിരിക്തമാകുന്നത് എന്ന വിഷയത്തില്‍ റഷീദ് ഫൈസി വെള്ളായിക്കോടും ക്ലാസെടുക്കും.
 കെ.പി കോയ, ടി.പി സുബൈര്‍ മാസ്റ്റര്‍, ഒ.പി അഷ്‌റഫ്, കെ.എം.എ റഹ്്മാന്‍, അബ്ദുറസാഖ് മായനാട് സംബന്ധിക്കും.