പെരിന്തല്‍മണ്ണ: ഭാരതീയ ചികിത്സാ വകുപ്പ്, പെരിന്തല്‍മണ്ണ ആയുര്‍വേദ മെഡി. അസോ. ഓഫ് ഇന്ത്യ, ഗവ. ആയുര്‍വേദാശുപത്രി എന്നിവയുടെ സഹകരണത്തോടെ സഹചാരി റിലീഫ് സെല്‍ 23ന് രാവിലെ ഒന്‍പത് മുതല്‍ പെരിന്തല്‍മണ്ണ പാതായ്ക്കര ബൈപാസില്‍ ജുമാമസ്ജിദിനു സമീപം പ്രത്യേകം സജ്ജമാക്കിയ വേദിയില്‍ ആയുര്‍വേദ മെഡിക്കല്‍ ക്യാംപ് സംഘടിപ്പിക്കുമെന്ന് ക്യാംപ് ജനറല്‍ കണ്‍വീനര്‍ ഷക്കീര്‍ ആലിക്കല്‍ അറിയിച്ചു.
നഗരസഭാ ചെയര്‍മാന്‍ എം മുഹമ്മദ് സലീം ഉദ്ഘാടനം ചെയ്യും. ജനപ്രതിനിധികളും പൗരപ്രമുഖരും സംബന്ധിക്കുന്ന ക്യാംപില്‍ സൗജന്യ മരുന്നുവിതരണവും നടക്കും. ഗവ. ആയുര്‍വേദ മെഡി. ഓഫിസര്‍മാരായ മുഹമ്മദ് സലീം, എ.ടി നവാസ്, രാജീവ്, കൃഷ്‌ണേന്ദു, സാനിയ, മീരാ രാജീവ്, ജിതിന്‍വാസ്, അരുണ്‍ ക്യാംപിന് നേതൃത്വം നല്‍കും. രാവിലെ ഒന്‍പത് രജിസ്റ്റര്‍ ചെയ്യാം.