വേങ്ങര: സ്‌റ്റേറ്റ് എംപ്ലോയീസ് യൂനിയന്‍ ജില്ലാ സമ്മേളനം ഇന്നു രാവിലെ വ്യാപാര ഭവനില്‍ തുടങ്ങും.  രാവിലെ 10 ന് പാണക്കാട് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. പി.കെ കുഞ്ഞാലിക്കുട്ടി എം.എല്‍.എ സുവനീര്‍ പ്രകാശനം ചെയ്യും.
പ്രതിനിധി സമ്മേളനം സി.പി മുഹമ്മദ് ഉദ്ഘാടനം ചെയ്യും. യാത്രയയപ്പ് സമ്മേളനം, സെമിനാര്‍, ബസ്സ്റ്റാന്റ് പരിസരത്ത് പൊതുസമ്മേളനം എന്നിവ നടക്കും. നാളെ മൂന്നിനു സംഘടനാ സമ്മേളനം, കൗണ്‍സില്‍ മീറ്റ് എന്നിവ നടക്കും. വൈകുന്നേരം നാലിന് വ്യാപാര ഭവനില്‍ തുടങ്ങി ടൗണ്‍ ചുറ്റി പ്രകടനം പൊതുസമ്മേളന നഗരിയില്‍ സമാപിക്കുമെന്നു ഭാരവാഹികളായ ആമിര്‍ കോടൂര്‍, വി.പി.എ സമീര്‍, പി. മുഹമ്മദ്, മാട്ടി മുഹമ്മദ്, സി. ലക്ഷ്മണന്‍, എ.കെ ഷരീഫ് എന്നിവര്‍ പത്രസമ്മേളനത്തില്‍ അറിയിച്ചു.