നിലമ്പൂര്‍: കേരള കോണ്‍ഗ്രസ് (എം) മലപ്പുറം ജില്ലാ കണ്‍വന്‍ഷന്‍ നാളെ നിലമ്പൂരില്‍ നടക്കും. നിലമ്പൂര്‍ ഗ്രീന്‍ ആര്‍ട്ട് ഓഡിറ്റോറിയത്തില്‍ ഉച്ചയ്ക്കു രണ്ടിനു പാര്‍ട്ടി ചെയര്‍മാന്‍ കെ.എം മാണി ഉദ്ഘാടനം ചെയ്യും.
വര്‍ക്കിങ് ചെയര്‍മാന്‍ പി.ജെ ജോസഫ് മുഖ്യപ്രഭാഷണം നടത്തും. പാര്‍ട്ടിയുടെ എം.പിമാരും എം.എല്‍.എമാരും സംസ്ഥാനജില്ലാ നേതാക്കളും കണ്‍വന്‍ഷനില്‍ പങ്കെടുക്കും. വാര്‍ത്താ സമ്മേളനത്തില്‍ കേരള കോണ്‍ഗ്രസ് ജില്ലാ പ്രസിഡന്റ് പി.എം ജോണി, ജില്ലാ സെക്രട്ടറി ജോര്‍ജ്ജ് തോമസ്, നിയോജകമണ്ഡലം പ്രസിഡന്റ് സജി പുലിക്കുന്നിയേല്‍, നിയോജക മണ്ഡലം സെക്രട്ടറി ബിജു വാലടി എന്നിവര്‍ പങ്കെടുത്തു.