യോണ്ടെ: കാമറൂണില്‍ ട്രെയിന്‍ പാളംതെറ്റി 55 പേര്‍ മരിച്ചു. 100 ഓളം യാത്രക്കാര്‍ക്ക് പരുക്കേറ്റു. കാമറൂണിന്റെ തലസ്ഥാനമായ യോണ്ടെയില്‍ നിന്ന് സാമ്പത്തിക തലസ്ഥാനമായ ദൗലയിലേക്ക് പുറപ്പെട്ട പാസഞ്ചര്‍ ട്രെയിനാണ് അപകടത്തില്‍പ്പെട്ടത്.യോണ്ടെയില്‍ നിന്ന് 120 കിലോമീറ്റര്‍ മാറി സെന്‍ട്രല്‍ പ്രവിശ്യയിലെ എസേക്ക സ്റ്റഷന് സമീപത്തു വച്ച് പ്രാദേശിക സമയം രാവിലെ 11 മണിയോടെയാണ് അപകടം നടന്നത്.

കനത്ത മഴയില്‍ യോണ്ടെ– ദൗല റോഡ് ഇടിഞ്ഞതിനെത്തുടര്‍ന്ന് നിരവധി യാത്രക്കാര്‍ ട്രെയിനിലാണ് യാത്ര ചെയ്തത്. ഇതുമൂലം ട്രെയിന്‍ പുറപ്പെടുമ്പോള്‍ കൂടുതല്‍ വാഗണുകള്‍ തീവണ്ടിയില്‍ കൂട്ടിച്ചേര്‍ത്തിരുന്നു. ഇത് അപകടത്തിന് ആക്കം കൂട്ടി. മരണസംഖ്യ ഇനിയും ഉയരാന്‍ സാധ്യതയുള്ളതായി അധികൃതര്‍ അറിയിച്ചു.