പെരിങ്ങത്തൂര്‍: വി.പി സത്യന്‍ 10ാം ചരമവാര്‍ഷിക ദിനാചരണത്തിന്റെ ഭാഗമായി മേക്കുന്ന് വി.പി സത്യന്‍ മെമ്മോറിയല്‍ ട്രസ്റ്റും പാനൂര്‍ ജനമൈത്രി പൊലിസും സംയുക്താഭിമുഖ്യത്തില്‍ ഹാഫ് മാരത്തോണ്‍ സംഘടിപ്പിച്ചു.
തലശ്ശേരി ഡി.വൈ.എസ്.പി പ്രിന്‍സ് എബ്രഹാം ഫഌഗ് ഓഫ് ചെയ്തു. മാരത്തോണില്‍ സി.പി ഷിജു കോതമംഗലം ഒന്നാം സ്ഥാനവും അമല്‍ കരിയാട്, കെ.പി നിഹാല്‍ പള്ളൂര്‍ യഥാക്രമം രണ്ടും മൂന്നും സ്ഥാനവും കരസ്ഥമാക്കി. വിജയികള്‍ക്ക് ജില്ലാ പോലിസ് മേധാവി സഞ്ജയ് കുമാര്‍ ഗുരുദിന്‍ സമ്മാനങ്ങള്‍ വിതരണം ചെയ്തു.
കെ.പി ദയാനന്ദന്‍ അധ്യക്ഷനായി. ഡി.വൈ.എസ്.പി പ്രിന്‍സ് എബ്രഹാം, പാനൂര്‍ സി.ഐ കെ.എസ് ഷാജി, ജനമൈത്രി പൊലിസ് സി.ആര്‍.ഒ ശ്രീനിവാസന്‍, ഡോ. പി.കെ സുധാകരന്‍, കെ.കെ മുഹമ്മദ്, ഡോ. എം.കെ മധുസൂധനന്‍, സുമിത്രന്‍ സംസാരിച്ചു.