കാഞ്ഞങ്ങാട്: കൃഷി വകുപ്പിന്റെ ആത്മ പ്ലസ് പദ്ധതി പ്രകാരമുള്ള ജില്ലാതല ടെക്‌നോളജി മീറ്റ് നീലേശ്വരം ബ്ലോക്കില്‍ നടക്കും. സുസ്ഥിര കാര്‍ഷിക വികസനത്തിന് നൂതന സാങ്കേതിക വിദ്യകള്‍ വിജ്ഞാന വ്യാപനത്തിലൂടെ കര്‍ഷകരിലേക്കു കൈമാറ്റം ചെയ്യുക എന്ന ലക്ഷ്യത്തോടെ നടത്തുന്ന ടെക്‌നോളജി മീറ്റില്‍ കാര്‍ഷിക സെമിനാര്‍,എക്‌സിബിഷന്‍,ഫീല്‍ഡ് ഡമോണ്‍സ്‌ട്രേഷന്‍ തുടങ്ങിയ പരിപാടികള്‍ നടക്കും. സംഘാടക സമിതി  രൂപീകരണ യോഗം ഈ മാസം 26ന് ഉച്ചയ്ക്ക് രണ്ടിനു നീലേശ്വരം കൃഷി അസിസ്റ്റന്റ്  ഡയറക്ടര്‍ ഓഫിസില്‍ ചേരും.