കുമ്പള: നരഹത്യാ ശ്രമം ഉള്‍പ്പെടെ മൂന്നോളം കേസുകളില്‍ പ്രതിയായ യുവാവിനെ ഇരുതല കത്തിയുമായി കുമ്പള എസ്.ഐ മെല്‍വിന്‍ ജോസ് അറസ്റ്റ് ചെയ്തു. കുമ്പള കുണ്ടങ്കേരടുക്ക ക്വാര്‍ട്ടേഴ്‌സില്‍ താമസിക്കുന്ന കബീര്‍ എന്ന ഹംസ(30)യാണ് അറസ്റ്റിലായത്. വ്യാഴാഴ്ച രാത്രി എട്ടിനു കുമ്പള ടൗണില്‍ ദുരൂഹ സാഹചര്യത്തില്‍ കണ്ട ഹംസയെ പിടികൂടി ദേഹപരിശോധന നടത്തിയപ്പോളാണ് അരയില്‍ തിരുകി വെച്ച നിലയില്‍ ഇരുതല മൂര്‍ച്ചയുള്ള സ്പ്രിംഗ് കത്തി കണ്ടെത്തിയത്.