തൃപ്രയാര്‍: ചൂലൂര്‍ യോഗിനിമാതാ ബാലികാ സദനത്തില്‍ സംസ്‌കാരിക സായാഹ്നം വിവിധ കലാ സംസ്‌കാരിക പരിപാടികളോടെ ആഘോഷിച്ചു. എസ്.എന്‍ കോളജ് പ്രിന്‍സിപ്പാള്‍ ഡോ: അനിത ശങ്കര്‍ ഉദ്ഘാടനം നിര്‍വഹിച്ചു. ഗിന്നസ് ജേതാവ് മുരളി നാരായണന്റെ പുല്ലാംകുഴല്‍ കച്ചേരിയും ബാലികാ സദനത്തിലെ കുട്ടികളുടെ സംഗീത പരിപാടികളും നടത്തി. തുടര്‍ന്ന് തെരുവോരം മുരുകന്‍ എന്ന തെരുവില്‍ അലയുന്നവര്‍ക്ക് തെരുവ് വിളക്ക് എന്ന പദ്ധതിയുണ്ടാക്കി 7000 തെരുവ് മക്കള്‍ക്ക് അത്താണിയായവന്റെ ജീവിതകഥ പ്രശസ്ത എഴുത്തുകാരി വനിത വിനോദിന്റെ 'മുറിവോരം' ഡോ: അനിത ശങ്കര്‍ ഗിന്നസ് മുരളി നാരായണന്ന് നല്‍കി പ്രകാശനം ചെയ്തു. ഷൈന്‍ നാട്ടിക അധ്യക്ഷനായി. ചടങ്ങില്‍ ജയന്‍ ബോസ്, യോഗിനിമാത ബാലികാ സദനം സെക്രട്ടറി സജീവന്‍, എസ്.എന്‍ കോളജ് സംസ്‌കൃതം മേധാവി സന്തോഷ്, രശ്മി വി.എസ് എന്നിവര്‍ പ്രസംഗിച്ചു.