അരക്ഷിതാവസ്ഥയും അനിശ്ചിതത്വവും നേരിടുന്ന റോഹിംഗ്യന്‍ ജനതയുടെ ജീവിതാനുഭവങ്ങള്‍ മനുഷ്യ ജീവിതത്തിന്റെ നേര്‍ചിത്രമാണ് വരച്ചു കാണിക്കുന്നത്. മനുഷ്യത്വത്തിനു മേലുള്ള ഭീകരതയുടെ പച്ചയായ കടന്നു കയറ്റത്തിന്റെ ഇരകളാണവര്‍. സ്വന്തം നാട്ടില്‍ നിന്നു ആട്ടിയകറ്റപ്പെട്ടവരും അക്രമിക്കപ്പെട്ടവരും കാരാഗൃഹവും കൊട്ടാരമാക്കും. ബാഹ്യലോക ഭീകരതയില്‍ രക്ഷയ്ക്കു ജയിലെങ്കിലും കച്ചിത്തുരുമ്പായി കിട്ടിയവര്‍ മഹാ ഭാഗ്യവാന്‍മാരാകുന്നത് ഉള്‍ക്കൊള്ളാന്‍ പുറം ലോകത്തിനാകണമെന്നില്ല.  
 ആര്‍ഭാടവും ധൂര്‍ത്തും  ജീവിതചര്യയാക്കിയവര്‍ റോഹിംഗ്യന്‍ ജനതയുടെ ജീവിതത്തില്‍ നിന്നും പാഠമുള്‍ക്കൊള്ളണം. ഒരു പകര്‍ച്ചവ്യാധിയോ,യുദ്ധമോ, കലാപമോ, രോഗമോ മതി തങ്ങളുടേതെന്ന് അഹങ്കരിക്കുന്നതെല്ലാം നഷ്ടപ്പെടാന്‍!